IMPLANTI KOKLEAR
Një implant koklear (implant Bionic i veshit) është një pajisje e
kompjuterizuar që mund të rivendosë dëgjimin për personat me humbje të
rënda deri në të thellë neurosensoriale të dëgjimit (shurdhim nervor).
Kjo është e vetmja teknologji mjekësore në gjendje për të rivendosur një
nga pesë shqisat e trupit – Shqisën e të dëgjuarit. Njerëzit që kane
përfitim minimal nga aparate dëgjimi konsiderohen si kandidatë për
impiant koklear. Në mbarë botën, ka më shumë se 400.000 fëmijë dhe të
rritur të cilët përfitojnë nga dëgjimi i implantuar. Ndryshe nga një
aparat dëgjimi, i cili zmadhon tingujt hyrës, një implant koklear
shnderron valët zanore në sinjale elektrike. Aparatet ndihmëse të
dëgjimit kërkojnë funksionimin e qelizave qimëzore(qelizat me cilie) në
veshin e brendshëm, ndërsa dëgjimi i implantuar anashkalon qelizat
qimëzore të dëmtuara dhe konverton të folurit dhe tingujt mjedisore në
sinjale elektrike dhe i dërgon këto sinjale në nervat e dëgjimit.
Implanti koklear ka dy komponentë kryesorë:
1. Një komponent të brendshëm që përbëhet nga një
pajisje e vogël elektronike që është implantuar në mënyrë kirurgjikale
nën lëkurë prapa veshit, i lidhur me elektroda që janë futur brenda
kokleas (kërmillit).
2. Një komponent i jashtëm, i veshur prapa veshit, që përbëhet nga një procesor i fjalëve, mikrofon, bateri dhe kabinë.
Mikrofoni kap tingujt, duke lejuar procesorin e fjalëve të përkthejë ato
në sinjale elektrike të veçantë. Këto sinjale, ose “kodet” përçohen
deri tek një kabëll i hollë në helmetë dhe transmetohen përgjatë lëkurës
nëpërmjet valëve të radios në elektrodat e implantuara në kokle.
Sinjalet e elektrodave ‘stimulojnë fijet nervore dëgjimore për të
dërguar informacion në tru, ku interpretuhen si tingull kuptimplotë.
Kirurgji e implantit koklear
Kirurgjia e implantit koklear kryhet zakonisht si një procedurë nën
anestezi të përgjithshme. Kryhet me anë të një incizioni prapa veshit
për të hapur kockën mastoide që çon në hapësirën e veshit të mesëm. Pasi
ekspozohet hapësira e veshit të mesëm, bëhet një hapje në kokle dhe
futen elektrodat e implantuara. Pajisja elektronike në bazë të grupit të
elektrodës vendoset më pas nën lëkurë prapa veshit.
Ky operacion mund të kryhet në individët duke nisur nga mosha 12 muaj e
sipër të cilët nuk përfitojnë nga pajisjet ndihmëse dëgjimore.
Ekipi Implantit koklear
Ekipi ynë për implant koklear përbëhet nga një kirurg i neurotologjisë
dhe dy mjekë të audiologjisë me ekspertizë të gjerë në të gjitha
patologjitë e veshit. Vlerësimi preoperativ, matjet intraoperative, dhe
rehabilitimi postoperativ i çdo pacienti kryhet pikërisht duke përdorur
teknologjinë më moderne . Operacioni kryhet me siguri të madhe duke
përdorur pajisjet nga më aktuale mjekësore.
